Actividades de novembro

 Coplas contra a violencia de xénero. No 2º ciclo de EP mudamos a letra de coplas de temática machista que se cantaban antigamente en festas e encontros populares. Vídeo das cantigas e debuxos do alumnado

Actividades de novembro

 Participación do alumnado de 4º de EP no III Certame “Coreografíate” organizado pola ASPG, no cal tiveron que realizar unha coreografía cunha canción en galego.

Actividades de novembro

 Saída do alumnado de 1º ciclo de EP ao concerto didáctico do grupo musical “Odaiko”, os cales achegan a música en galego ás crianzas a tráves do ritmo e da percusión.

Actividades de novembro

 Compartimos convosco algunhas actividades de novembro no que participou o EDLG.

Exposición de cogomelos da man de Luís Cuba.

Samaín 2023

 Aquí vos deixamos algunhas imaxes do noso túnel do terror, do pasado martes, onde se podían ver as cabazas e debuxos de terror feitas polo alumnado!

Concurso de cabazas e concurso de debuxos e relatos de terror. Curso 2023-24

 Comezamos as actividades do EDLG cos nosos tradicionais concursos de cabazas e de relatos e debuxos de terror. O alumnado participante entrará no sorteo dun agasallo que se realizará no festival de nadal.

Tanto as cabazas coma os relatos e os debuxos, estarán expostos no túnel do terror, o cal visitará o alumnado o martes 31 de outubro. Animádevos a participar!

Xunquiño de verán!

Xa temos a nosa edición do Xunquiño de verán do curso 2022/2023, botádelle unha ollada. Para poder visualizar por completo os traballos do alumnado debedes premer nas imaxes para acceder aos documentos.

Leer más publicaciones en Calaméo

IX Edición Certame Carmela Loureiro

Témosvos que anunciar unha boa nova: 2 alumnas do noso centro foron premiadas na IX edición do Certame literario Carmela Loureiro!

Modalidade de microrrelatos:

• Categoría A: “O misterio da ponte de Xubia” de Sabela Villares Luaces de 6º A de EP, premio “Accésit”.
• Categoría C: “Máis sinxelo do que semella” de Celeste García Fontao de 3º da ESO, 1º premio.

O acto de entrega de premios e diploma terá lugar o mércores 21 de xuño ás 19:00 h, no C.C. Torrente Ballester. Queda convidado tamén a este acto o profesorado e alumnado que participou nesta actividade por se fose do seu interese.

Moitísimos parabéns, e agardamos que estes recoñecementos vos sigan animando a traballar e desenvolver o voso gusto e interese pola escritura.

Homenaxe a Francisco Fernández del Riego

 Compartimos convosco este mural que fixemos de xeito colaborativo entre todo o alumnado de EI e EP de Francisco Fernández del Riego, así como tamén o resto de marcapáxinas participantes no concurso da ESO.

Gañadora do concurso de pañoletas

 A gañadora do deseño do concurso de pañoletas é…

Ada Calvo Seijo, de 6º B. Parabéns!!

Estas pañoletas estrearémolas o vindeiro 23 de maio na marcha do correlingua na que participaremos para festexar o noso idioma.

Gañadora do concurso de marcapáxinas da ESO!

 A gañadora do concurso de marcapáxinas da ESO é….

Nuria Rodríguez de 3º PDC. Parabéns!!

Concurso deseño para o estampado dunha pañoleta.

 Este ano, para conmemorar o día das letras galegas, realizaremos en EI e EP un concurso para a creación dun deseño para estampar nunhas pañoletas que levaremos ao correlingua de Ferrol o 23 de maio.

Concurso de marcapáxinas. Letras galegas 2023.

Imos anunciando o noso tradicional concurso de marcapáxinas. Este ano dirixido ao alumnado da ESO, tendo como autor homenaxeado a Francisco Fernández del Riego.

A mocidade coa lingua!

Onte na nosa primeira participación na Mocidade coa lingua, organizada polo CENLF. Este ano, despois da pandemia, celebrouse nada máis e nada menos que a XXX edición, sendo unha referencia de actividades de dinamización lingüística da comarca de Ferrolterra. A banda musical “Cuarto cable” foi representando o CPI a Xunqueira, toda unha honra! Os seus compañeiros/as  de 3º da ESO acudiron a escoitar e animar ao grupo participante. 

Para rematar, tivemos a sorte de poder escoitar en concerto a emerxente banda musical “As fillas de Cassandra”, todo un luxo e unha motivación ter como referentes a estas rapazas no panorama musical galego actual.

Foi toda unha experiencia que esperamos poder repetir o curso seguinte, pasámolo xenial! 
Bravo “Cuarto cable”!

A Mocidade coa lingua!

Este ano estaremos participando por primeira vez na XXX edición da Mocidade coa lingua, unha actividade realizada pola coordinadora de equipas do EDLG de Ferrolterra, destinada ao alumnado da ESO.

O obxectivo desta actividade é fomentar o uso do galego na mocidade a través da música.
En representación do noso centro acudirá  a banda musical “Cuarto cable”.

Ademais, todos os anos convídase unha banda de música do panorama actual, para que tamén sirva como referencia para o alumnado e se dean a coñecer as distintas propostas culturais actuais. Esta edición, contarase nada máis e nada menos ca banda denominada “As fillas de Cassandra”.

Moito ánimo e moita sorte ao noso alumnado e ao resto de participantes!!

Mandatos do Meco: mércores 15 de ferbeiro de 2023

 Mandatos do mércores!

Mandatos do Meco: martes 14 de febreiro de 2023

 Comezamos os mandatos do meco!